2 herë kampione bote dhe me 29 medalje ari, Majlinda Kelmendi i jep fund karrierës së saj: Mjaft me lot emocionues, është radha e të tjerëve

Majlinda Kelmendi ka konfirmuar se gara në Lojërat Olimpike Tokio 2020 ishte e fundit në karrierën e saj në xhudo, duke u pensionuar në moshën 30-vjeçare.

Kelmendi, e cila e kishte paralajmëruar largimin pas Tokios 2020 në fund të vitit të kaluar, tha se do t’i bashkohet atij në ekipin e trajnerëve për t’i ndihmuar të prodhojë më shumë talente në xhudo.

Ajo pësoi disfatë dëshpëruese në rrethin e parë në kategorinë 52 kilogramë në Tokio, në atë që ishte turneu i saj i fundit në karrierë.

“Për mua kjo ka qenë gara e fundit, nuk e kam pritur që gara e fundit në karrierë do të shkojë kështu. Ishte e shkruar, krejt i kam fituar. I kam sjellë Kosovës mjaft emocione, mjaft lot është radha e tjerëve. Do të jem afër Tonit me u mundu me nxjerrë talente tjera prej Kosovës”, ka thënë Kelmendi.

Kelmendi do të mbahet mend si njëra prej atleteve më të mira shqiptare, grua apo burrë, dhe si sportistja e parë që ia siguroi Kosovës një medalje olimpike, pasi e shkroi historinë në Rio 2016 kur e fitoi medaljen e artë në xhudo në kategorinë 52 kilogramë.

Kelmendi i ka fituar 29 medalje të arta në gara të mëdha të xhudos gjatë karrierës, 6 të argjendta dhe 9 të bronzta.

(BalkanWeb)

 

 

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *