3 gra afgane sjellin në jetë fëmijët e tyre në avionin e SHBA-ve, Pentagoni: Arritëm një rekord të ri evakuimesh

Teksa SHBA nxjerr njerëzit nga Kabuli, Afganistani, pas marrjes nën kontroll të talebanëve, tre gra afgane kanë lindur gjatë procesit të evakuimit, sipas Pentagonit.

Associated Press raporton se mbi 200 avionë ushtarakë amerikanë janë të përfshirë në përpjekjet e evakuimit në aeroportin e Kabulit, tha gjenerali i ushtrisë Stephen Lyons, i cili është përgjegjës për Komandën e Transportit të SHBA, në një konferencë shtypi të Pentagonit. Edhe pse ai vuri në dukje se ekuipazhet ajrore të përfshira janë “të lodhur”, për shkak të misionit të vazhdueshëm, ai foli për momentin e raportuar gjerësisht në të cilin një grua afgane lindi në një avion amerikan ndërsa ishte evakuuar.

Lyons shtoi se dy gra të tjera afgane lindën në një mënyrë të ngjashme, por nuk dhanë detaje.

Katër baza ushtarake në Neë Jersey, Virginia, Texas dhe Ëisconsin po përgatiten të strehojnë përkohësisht afganët ndërsa hyjnë në SHBA me avionë evakuimi, tha Pentagoni. Katër bazat mund të mbajnë deri në 25,000 afganë në total, pasi afërsisht 1,200 të evakuuar janë aktualisht atje.

Rreth 21,600 njerëz u fluturuan të sigurt jashtë Afganistanit të kontrolluar nga talebanët në periudhën 24-orëshe që përfundoi herët të martën, tha Shtëpia e Bardhë, duke arritur një rekord në karhasim me rreth 16,000 një ditë më parë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *