4 raketa goditën bazën më të madhe ajrore të Irakut

Katër raketa Katyusha goditën të enjten bazën ajrore Balad, bazën më të madhe ajrore ushtarake të Irakut në veri të kryeqytetit Bagdad, tha një burim lokal i sigurisë.

Raketat ranë në bazën ajrore Balad në provincën Salahudin, rreth 90 km në veri të Bagdadit, duke mos shkaktuar viktima njerëzore, tha Kol. Mohammed al-Bazi nga policia provinciale.

Tre nga raketat goditën një ndërtesë brenda bazës, duke lënë dëme të vogla, ndërsa e katërta ra në një zonë të zbrazët, tha al-Bazi, duke shtuar se raketat u hodhën nga provinca fqinje e Diyala.

Baza ajrore Balad strehon avionët luftarakë F-16 të Irakut. Ekipi teknik i SHBA-së tashmë është tërhequr nga baza mes sulmeve me raketa nga milici të paidentifikuar.

Më 29 dhjetor 2021, kryeministri irakian Mustafa al-Kadhimi konfirmoi përfundimin e misionit luftarak të forcave të koalicionit të udhëhequr nga SHBA në Irak.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.