13:04 07/11/2022
Një kobra në Indi ka ngordhur pasi është kafshuar nga një 8-vjeçar.
Fëmija, i quajtur Deepak, u sulmua nga gjarpri ndërsa luante në oborrin e shtëpisë së tij në një fshat të Indisë kur zvarraniku iu mbështoll rreth dorës dhe i nguli çatajtë e mprehtë, shkruan “Metro”.
Në përpjekje për të mposhtur dhimbjen, fëmija shkundi fort krahun për të shpëtuar nga kobra. Kjo nuk funksionoi dhe Deepak e “kafshoi dy herë” gjarprin.
“Zvarraniku nuk lëvizi kur provova ta hiqja dhe e kafshova fort dy herë. Çdo gjë ndodhi shumë shpejt”, tha Deepak.
Familja e tij e dërgoi menjëherë në spitalin më të afërt ku i injektuan kundërhelmin. Sipas një eksperti, 8-vjeçari kishte pësuar vetëm një “kafshim të thatë”, term që përshkruan kafshimin pa helm të gjarprit.
Kobra ngordhi pas lëndimeve të marra nga Deepak./tvklan.al
