A do ketë negociata me opozitën për vettingun? Rama: Nuk kemi çfarë të diskutojmë! Nuk besoj që PD do i kthehet llogoreve të vjetra e të bëjë oponencë








Kryeministri Edi Rama shprehet i bindur se do të ketë dakordësinë e opozitës për të zgjatur më tej mandatin e institucioneve të vettingut në drejtësi.

ediramavettingu

Në një intervistë në emisionin “Now”, kreu i qeverisë tha se me opozitën nuk ka se çfarë të negociohet më për vettingun.

Rama shprehet se nuk beson se PD do të rikthehet dhe të kundërshtojë vettingun në drejtësi, ashtu siç bëri në fillim të këtij procesi.

“Unë dua të besoj që në këtë çështje, çdo përfgaqësues i përgjegjshëm i popullit shqiptar e ka të qartë se bëhet fjalë për një interest ë madh kombëtar që lidhet me sigurinë e vendit, sepse lidhet drejtëpërdrejtë me përmbushjen e reformës në drejtësi. Nëse e shikojmë në afatshkurtër, e ka lënë vendin pa gjykata. Nuk janë asgjë 5 vite. E para, 5 vjet janë nga miratimi, por jo nga fillimi i procesit. Këto vite, janë shumë për një mandat qeverie, nuk janë krejt të parëndësishme, por janë asgjë në një process shtetndërtimi.

Arsyeja pse ne mbetëm për një periudhë të gjatë pa Gjykatë Kushtetuese, pasi kishte një process të thellë, vetting pastroi ata që nuk mund të rrinim në Kushtetuese. Më mirë djepi, bosh, se shejtani brenda. Nuk kam asnjë lloj shqetësimi. Drejtësia u vonua për dekada, për shekuj. Tani ka filluar të formësohen institucionet e reja. Nëse vetting pati sukses në Kushtetuese dhe Gjykatën e Lartë, nëse ndalon këtu, atëherë nuk do kemi rezultat. Ai process pa monitorimin ndërkombëtar, nuk është i njëjtë ai process. Nga fillimi fare, kjo reformë nuk ka qenë reforma e mazhorancës, e shumicës, e PS-së, por ka qenë një reform që qysh në hapin e parë është hedhur sëbashku me aleatët strategjikë.

Unë nuk dua të besoj që opozita tu dalë përballë SHBA-së. Reforma në drejtësi ka një sërë faktorësh, qeveria opozita, BE dhe SHBA. Nuk kemi negociata pasi nuk kemi se çfarë të negociojmë. Nuk dua ta mendoj që dhe njëherë nga e para, opozita do i kthehej llogores së vjetër. Duhet të ndahet nga debate ndërpartiak dhe politik” – tha Rama.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *