“A ka hetim nga AMP për vjedhjen e të dhënave nga TIMS-i?”, Salianji kërkon të raportojnë në Kuvend institucionet: Drejtues të policisë të akuzuar për…

TIRANË

Deputeti i Partisë Demokratike Ervin Salianji ka kërkuar sot në komisionin parlamentar të sigurisë të raportojnë për vjedhjen e të dhënave nga sistemi TIMS drejtuesit e SHISH, Ministrisë së Brendshme dhe Policisë së Shtetit.

Salianji ka ngritur disa shqetësime për mungesën e llogaridhënies nga këto institucione sipas ligjit.

Teksa në komision raportonte zv.ministri i Brendshëm Julian Hodaj, ai pyeti nëse kanë ndonjë përgjigje për një prej ngjarjeve më të rënda të raportuar nga ndërkombëtarët, por edhe mediat shqiptare siç është tentativa apo ndërhyrja në sistemin TIMS.

“Institucionet që duhet të japin llogari para parlamentit, që janë nën monitorimin e këtij komisioni të japin llogari siç e parashikon kushtetuta dhe ligji.

Këtu kam parasysh rrëshqitjen e kryetares së Shërbimit Informativ Shtetëror, e cila nuk raportoi siç parashikohet në Kushtetutë dhe ligj. Kam parasysh që ministri i Brendshëm dhe Drejtori i Përgjithshëm i Policisë pavarësisht kërkesave të bëra konform rregullores së Kuvendit nuk morën pjesë për çështjet e kërkuara nga deputetët e opozitës dhe në një rast dhe me dakordësinë e deputetëve të maxhorancës dhe besoj që duhet të rikthehemi aty ku e kemi lënë për të rikthyer në shina të ligjshmërisë raportimin e këtyre institucioneve para Kuvendit.

Së dyti, është me shumë shqetësim për të gjithë opinionin publik ashtu si për partnerët ndërkombëtarë dhe ndaj duhet të vinin këtu për të diskutuar dhe ne do të bëjmë kërkesë si fillim dhe pastaj edhe komision për më tej, është shqetësim thelbësor që në mbledhjen e parë të këtij komisioni ne të diskutojmë dhe nëse nga Ministria e Brendshme, përfaqësuesit e saj kanë ndonjë përgjigje për një prej ngjarjeve më të rënda të raportuar nga ndërkombëtarët, por edhe mediat shqiptare siç është tentativa apo ndërhyrja në sistemin TIMS për të fshirë gjurmë, apo për të marrë të dhëna, për t’i transferuar apo devijuar ato”, tha Salianji.

Sipas tij, mbledhja duhet të niste për këtë çështje thelbësore qoftë për sigurinë e qytetarëve shqiptarë, qoftë për mbrojtjen e të dhënave personale, qoftë për ruajtjen e të dhënave të cilave mund të jenë objekt i punës hetimore të SPAK apo institucioneve të drejtësisë.

“Doja dakordësinë tuaj që të paraqiten në komision, drejtoresha e SHISH, ministri i Brendshëm, drejtori i Policisë për të marrë përgjigje për pyetjet që kemi bërë”, theksoi ai.

Më tej Salianji ngriti shqetësimin e punësimit të personave me precedentë penalë për të njëjtën vepër penale në Policinë e Shtetit.

“Duke qenë se nuk kemi pasur mundësi të kemi pasur në komision, drejtorin e Policisë, drejtorin e AMP apo ministrin e Brendshëm pavarësisht dy kërkesave të bëra nga deputetët në përputhje me rregulloren, kam dy pyetje që është shqetësimi kryesor që ka të bëjë me sigurinë në vend për përfaqësuesin e Ministrisë së Brendshme dhe një shqetësim të shprehur nga ambasada e SHBA-ve për vjedhjen e të dhënave të sistemit TIMS; kemi ndonjë informacion nëse ka hetim nga AMP-ja, nëse janë gjetur përgjegjësit, deri në çfarë niveli është ndërhyrja në këtë sistem, a keni ju dhe a ka përgjegjës në atë ministri, njerëz që janë proceduar më parë për vepra të ngjashme penale, janë emëruar në sektorët kyç që kanë të bëjnë me këtë drejtori në Drejtorinë e Përgjithshme të Policisë. Lexova një investigim mediatik dje, bëhet fjalë për 8 persona të proceduar po për këtë vepër penale dhe të 8 janë marrë nga pozicione të tjera dhe janë çuar në Policinë e Shtetit. A kemi të bëjmë me vepër penale apo krim të organizuar? A ka hetim nga AMP, a ka marrë masa Policia e Shtetit për t’i larguar, pezulluar apo mbikëqyrur këta drejtues të lartë të policisë së Shtetit të akuzuar?”, deklaroi Salianji.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts