Akuza për komplot ndaj një sinagoge, Irani thërret ambasadorin gjerman pas pretendimeve të Berlinit

akuza per komplot ndaj nje sinagoge irani therret ambasadorin gjerman pas pretendimeve te berlinit

Ministria e Jashtme e Iranit e ka thirrur në një takim ambasadorin gjerman në Teheran të mërkurën, për të protestuar kundër një vendimi i cili e përfshiu Republikën Islamike në një komplot për ta sulmuar një sinagogë në Gjermani vitin e kaluar, raportoi agjencia shtetërore e lajmeve, IRNA.

Ministria e thirri ambasadorin Hans-Udo Muzel për t’ia përcjellë protestën e Iranit ndaj vendimit të gjykatës shtetërore në Dyseldorf, e cila e dënoi një burrë gjermano-iranian me dy vjet e nëntë muaj burgim për tentim zjarrvënie.

Gjykata gjeti se 36-vjeçari e hodhi një mjet zjarrvënës në një shkollë në qytetin perëndimor, Bohum, në nëntor 2022, për shkak se sinagoga kishte qenë tepër e siguruar.

I pandehuri e mohoi se kishte synime për ta sulmuar sinagogën.

Gjykata gjeti, po ashtu, se një ish-anëtar i Hellas Angles, i cili kishte shkuar në Iran, e kishte angazhuar të pandehurin për ta kryer sulmin dhe se Irani qëndronte mbrapa tij.

“Plani për sulmin buroi nga një institucion shtetëror iranian” sipas gjykatësve gjermanë.

Të martën, Ministria e Jashtme e Gjermanisë e thirri në takim të ngarkuarin e Iranit me punë në Berlin, për të diskutuar për këtë çështje, të cilën Teherani e ka cilësuar si “masë të papranueshme”./ REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts