Arkeologët gjermanë realizojnë zbulimin më të madh të sendeve romake në një shekull

Arkeologët në Augsburg të Gjermanisë njoftuan se kanë bërë zbulimin më të rëndësishëm të sendeve antike romake në më shumë se 100 vjet, një ngarkesë prej 400 kilogramësh në total.

Arkeologu Sebastian Gairhos tha “ndër sendet e zbuluara përfshihen armë, mjete, bizhuteri dhe 800 monedha”.

Zbulimi tregon se vendi ishte një fortese, pjesë e një vendbanimi më të vjetër romak në atë që tani është shteti gjerman i Bavarisë.

Monedhat dhe copat e qeramikës tregojnë se zona ka qenë e pushtuar midis viteve 8 dhe 5 para Krishtit, megjithatë arkeologët shpresojnë të bëjnë edhe më shumë zbulime konkrete.

“Kjo masë zbulimesh ofron një potencial të madh”, vlerësoi Gairhos.

Objektet u zbuluan në tokën e një ish-uzine makinash. Augsburgu ka një histori më shumë se 2 000-vjeçare dhe konsiderohet si një nga qytetet më të vjetra të Gjermanisë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *