Arktiku po ngrohet tri herë më shpejt se planeti që nga viti 1971

Arktiku po ngrohet tri herë më shpejt se planeti që nga viti 1971, më shumë sesa besohej më parë, paralajmëron një raport i Monitorimit dhe Vlerësimit të Arktikut (AMAP).

“Një përditësim i rëndësishëm është se rritja mesatare vjetore në sipërfaqen e Arktikut (tokë dhe oqean) midis 1971 dhe 2019 ishte tri herë më e madhe se rritja e mesatares globale gjatë së njëjtës periudhë. Është më shumë sesa tregohet në vlerësimet e mëparshme të AMAP”, thanë autorët.

Përdiësimi i mëparshëm, i botuar në 2019, tregoi se ngrohja në Arktik arriti “më shumë se dyfishi i mesatares botërore”, një hendek që theksohet më tej në dimër.

Në më pak se gjysmë shekulli, nga 1971 në 2019, temperatura mesatare vjetore në këtë rajon verior u ngjit 3,1 gradë Celcius, ndërkohë që planeti ngrohej në të njëjtën kohë me 1 gradë Celcius, sipas dokumentit të përditësuar.

“Në shumicën e skenarëve të emisioneve të gazrave serrë, shumica dërrmuese e modeleve (…) sugjerojnë se, para 2050, Arktiku do të jetë për herë të parë pothuajse pa akull në shtator, muaji në të cilin zakonisht është në nivelin më të ulët” , shtuan autorët e raportit.

Sipas parashikimeve të cituara nga raporti, temperaturat mesatare të Arktikut duhet të rriten në fund të shekullit midis 3,3-10 gradë Celcius mbi mesataren e tyre gjatë periudhës 1985-2014.

Shifra e saktë varet nga vëllimi i ardhshëm i emisioneve të gazrave serrë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *