Arrestimi i aktivistit të LSI që u kap me lekë e fletë votimi, kandidatja për deputete: Po bënte ushtrime zgjedhore



Lëvizja Socialiste për Integrim, dega Shkodër, ka reaguar pasi policia arrestoi një militant të kësaj force politike i cili u vu në pranga pasi policia i gjeti në makinë një shumë mbi 5 milionë lekë të vjetra dhe një fletë si ajo e votimit.

Në një deklaratë për mediat, kandidatja e LSI Erlinda Kavaja thotë se “kjo situatë tregon politizimin e tejskajshëm të policisë së Rilindjes”.

Sipas saj, “aktivistët tanë janë në të drejtën e tyre për të bërë ushtrime zgjedhore, në vijim edhe të praktikave dhe orientimeve të Komisionit Qëndror të zgjedhjeve për mënyrën e votimit”.

“Është skandaloze dhe e turpshme të dërgosh për ndjekje penale aktivistë politikë të cilët duan të bëjnë të njohur mënyrën e votimit, aq më shumë që është një skemë e re, e papërdorur më parë”, theksohet në reagim.

Deklaratë e kryesisë së LSI Qarku Shkodër

Dega e LSI qarku Shkodër informon e sqaron opinionin publik se ngjarja e ndodhur ne Pukë, ku aktivistë të LSI janë marrë nën hetim nga policia është një situatë që tregon politizimin e tejskajshëm të policisë së Rilindjes.

Aktivistët tanë janë në të drejtën e tyre për të bërë ushtrime zgjedhore, në vijim edhe të praktikave dhe orientimeve të Komisionit Qëndror të zgjedhjeve për mënyrën e votimit.

Është skandaloze dhe e turpshme të dërgosh për ndjekje penale aktivistë politikë të cilët duan të bëjnë të njohur mënyrën e votimit, aq më shumë që është një skemë e re, e papërdorur më parë.

Fletët e gjetura janë demonstrative dhe nuk kanë si të jenë origjinale, kur ato akoma nuk janë prodhuar. Ato janë thjesht dhe vetëm orientuese dhe natyrshëm përdoren nga të gjithë subjektet politike.

I bëjmë thirrje policisë të ndalë këtë revansh të turpshëm dhe antiligjor, dhe të investohet e angazhohet në kryerjen e detyrave të veta funksionale .

LEXO ME SHUME KETU

Me mbi 5 milionë lekë në makinë dhe fletë votimi, arrestohet sekseri dhe nisin hetimet për një biznesmen. Policia: Në këmbim të votës premtonin…

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *