Arrestimi i Beqajt, Hoxha: Linja amerikane në SPAK e GJKKO tregoi aktin e forcës

arrestimi i beqajt hoxha linja amerikane ne spak e gjkko tregoi aktin e forces
arrestimi i beqajt hoxha linja amerikane ne spak e gjkko tregoi aktin e forces

Analisti Artan Hoxha duke komentuar arrestimin e Ilir Beqajt, ish-ministrit të Shëndetësisë, ngriti pyetjen sepse u vendos kjo masë sigurie ndaj tij. “Pse u arrestua Ilir Beqaj, kishte informacione se mund të arratisej apo se mund të prishte provat e hetimit? Ne do të shikojmë momentin e dytë se si do të vendosë Gjykata në masën e vlerësimit të masës së sigurisë. Sepse Ilir Beqaj i është përgjigjur në mënyrë të vazhdueshme kërkesave të SPAK, shkonte atje, paraqitej, merrte dhe lexonte dosjen, pra kishte një sjellje shembullore”, tha Hoxha në emisionin “Open” në News24.

[embedded content]

Ai tha se do të shikojmë në seancën e rivlerësimit të masës së sigurisë nëse ka prova apo ka një akt force.

“Në rastin e parë të hetimit të Beqajt kishim prokurorë që mbanin frenat dhe ish-ministrin nuk e kishte fare në hetim, ndërsa është gjyqtari që shtyu procesin. Ndërsa tani, kemi një prokuror që shkon në Gjykatë dhe kërkon arrestimin e tij”, tha Hoxha.

Ai u shpreh se kemi prokurorë dhe gjykatës të rrymës amerikane dhe prokurorë e gjykatës qeveritarë. “Po shikoj që këta prokurorët dhe gjyqtarët e rrymës amerikane po shkojnë në masën e arrestit dhe është një mesazh për atë rrymën tjetër qeveritare”, tha Hoxha.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts