Assad fiton mandatin e katërt, diktatori mori besimin e 95 për qind të votuesve sirianë

Presidenti sirian, Bashar al-Assad fitoi një mandat të katërt në saj të 95.1 për qind të votave në zgjedhjet presidenciale.

Qeveria e Asadit thotë se zgjedhjet të mërkurën treguan se Siria po funksionon normalisht përkundër konfliktit me dekada, ku kanë vdekur qindra mijëra njerëz dhe janë dëbuar mbi 11 milionë njerëz – rreth gjysma e popullsisë – nga shtëpitë e tyre.

Kreu i parlamentit, Hammouda Sabbagh njoftoi rezultatet në një konferencë shtypi, duke thënë se pjesëmarrja e votuesve ishte rreth 78 për qind, përkatësisht mbi 14 milionë sirianë hodhën votën e tyre, raporton reuters.

Zgjedhjet vazhduan pavarësisht një procesi paqe të udhëhequr nga OKB-ja që kishte kërkuar votim nën mbikëqyrjen ndërkombëtare që do të ndihmonte hapjen e rrugës për një kushtetutë të re dhe një zgjidhje politike.

Fitorja i sjell Assadit, 55-vjeçar, shtatë vjet më shumë në pushtet dhe zgjat sundimin e familjes së tij në gati gjashtë dekada. Babai i tij, Hafez al-Assad, udhëhoqi Sirinë për 30 vjet deri në vitin 2000, kur edhe ndërroi jetë.

Vitet e Asadit si president janë përcaktuar nga konflikti që filloi në 2011 me protesta paqësore përpara se të kalonte në një konflikt shumëplanësh që ka thyer vendin e Lindjes së Mesme dhe ka tërhequr miq dhe armiq të huaj.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *