Astronomët zbulojnë planetin e largët dy herë më të madh se Toka ku mund të ketë jetë

astronomet zbulojne planetin e larget dy here me te madh se toka ku mund te kete jete
astronomet zbulojne planetin e larget dy here me te madh se toka ku mund te kete jete

Astronomët më në fund mund të tregojnë se jeta aliene ekziston në një planet të largët pas vëzhgimeve sot. Planeti K2-18b, i cili është më shumë se dy herë më i madh se Toka dhe 120 vite dritë larg ndodhet brenda zonës së banueshme të yllit të tij në konstelacionin e Luanit.

Shkencëtarët thanë vitin e kaluar se mendonin se kishin zbuluar gaz sulfur dimetil në atmosferën e tij, një përbërës që “prodhohet vetëm nga jeta”. Tani, për të konfirmuar zbulimin, teleskopi hapësinor James Webb do të ndërmarrë orë të tëra vëzhgimesh të planetit të premten.

Megjithatë, tifozët e hapësirës do të duhet të presin disa muaj që rezultatet të vërtetohen dhe publikohen. Kërkimet për planetin K2-18b po drejtohen nga Dr Nikku Madhusudhan, një astrofizikan në Universitetin e Kembrixhit.

Ai e quajti atë një botë ‘hycean’, një term relativisht i ri që ai shpiku për një planet shkëmbor me një atmosferë të pasur me hidrogjen dhe oqeane uji. “Nëse ne zbulojmë DMS [në K2-18b], ai e vendos atë në thelb në krye për shenjat e mundshme të banueshmërisë,” i tha ai “Times”.

K2-18b më shumë se tetë herë më i madhe sa masa e Tokës, u zbulua në vitin 2015. Por vetëm në vitin 2019 u raportua prania e avullit të ujit në atmosferën e K2-18b. Më pas, vitin e kaluar, teleskopi James Webb zbuloi dioksid karboni dhe metan në atmosferën e tij, si dhe mungesë amoniaku. Dr Madhusudhan e quajti këtë një ‘moment shumë të thellë’ sepse mbështet teorinë se ka një oqean uji nën një atmosferë të pasur me hidrogjen.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News www.botasot.al

Spread the love

Similar Posts