“Aurora”lë 250.000 familje pa energji elektrike në Francë

14:20 21/10/2021

Autoritetet franceze u bëjnë thirrje qytetarëve që të qëndrojnë në shtëpi

Mbi 250 000 shtëpi janë lënë pa energji elektrike, ndërkohë që edhe trafiku i trenave është ndërprerë në disa zona si pasojë e erërave të forta që po përjetohen në veri të Francës prej stuhisë së fuqishme ”Aurora”.

Në terren janë dërguar rreth 3.000 teknikë për të rikthyer furnizimin e energjisë elektrike.

Për shkak të erërave të forta disa pemë kanë rënë duke u kthyer në një problem për lëvizjen e automjeteve.

Autoritetet u kanë bërë thirrje qytetarëve të kenë kujdes duke u rekomanduar që të qëndrojnë në shtëpi.

Shirat e dendura mund të shkaktojnë përmbytje në qendrat urbane dhe lumenjtë e përrenjtë rrezikojnë të dalin nga shtrati.

Moti i keq gjithashtu mund të shkaktojë vonesa dhe anulime të fluturimeve në aeroporte.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *