Australi, “Nine News” nën kritika pas modifikimit ‘seksist’ të pamjes së deputetes

australi nine news nen kritika pas modifikimit seksist te pamjes se deputetes

Agjencia australiane e lajmeve “Nine News” është kritikuar ashpër pasi modifikoi imazhin e deputetes së Shtetit Victoria, duke i zmadhuar gjoksin dhe ekspozuar mesin e saj, sipas BBC.

Fotoja e Georgie Purcell u shfaq në “Nine News”, pasi ajo kritikoi refuzimin e Shtetit Victoria, Australi për ndalimin e gjuetisë së rosave.

Purcell postoi imazhet origjinale dhe të ndryshuara në median sociale, duke vënë në dukje se si ishte modifikuar veshja e saj.

“Nine News” kërkoi falje duke fajësuar ‘automatizimin me Photoshop’.

Purcell, gruaja më e re në parlamentin e shtetit, e zgjedhur në vitin 2022, ka kritikuar shpesh ‘seksualizimin dhe objektivizimin e vazhdueshëm’ me të cilin përballen gratë në politikën australiane.

“Ajo që më ka ndodhur në 24 orët e fundit është diçka që nuk do t’i ndodhte kurrë një politikani mashkull”, tha ajo.

“Kjo nuk është një mënyrë për të përfaqësuar asnjë grua, e lëre më një grua që mban një pozicion në poste publike”, tha kryeministrja e Shtetit Victoria, Jacinta Allan, e cila gjithashtu është shfaqur në një gazetë, në mënyrë kontroverse e zhveshur në një karikaturë vitin e kaluar.

Shefi i “Nine News Melbourne”, Hugh Nailon i kërkoi falje Purcell për “gabimin grafik”.

“Siç është praktikë e zakonshme, imazhi u ndryshua për t’iu përshtatur specifikave tona. Gjatë atij procesi, ‘automatizimi me Photoshop’ krijoi një imazh që nuk ishte në përputhje me origjinalin”, tha ai në një deklaratë, duke iu referuar një mjeti që përdor IA-në për të përpunuar fotot.

“Çdo ndryshim në këtë imazh do të kishte kërkuar ndërhyrje dhe miratim njerëzor”, tha zëdhënësi i “Adobe”, kompania që prodhon “Photoshop”.

Purcell, e cila ka folur më herët për punën e saj si striptiste për të mbështetur studimet në drejtësi, ka qenë prej kohësh objektiv i abuzimit seksist.

Vitet e fundit, politika australiane është përballur me atë që gratë thonë se është një kulturë seksiste mbizotëruese.

Një raport historik në vitin 2021, i nxitur nga një përdhunim i dyshuar brenda Shtëpisë së Parlamentit të Australisë, zbuloi se një e treta e punonjësve në parlamentin federal ishin ngacmuar seksualisht.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts