Serbët e Australisë kanë shkuar pranë hotelit ku po mbahet i ngujuar Novak Djokovici për ta mbështetur bashkatdhetarin e vet të cilit iu ndalua hyrja në shtetin e Oqeanisë, por s’janë duruar pa e futur Kosovën edhe në këtë rrëmujë.
Tenisti serb është duke u mbajtur në Park Hotel, një ndërtesë që përdoret nga Qeveria e Australisë për ndalimin e emigrantëve në vend, pasi atij iu refuzua hyrja në Australi të mërkurën.
Djokovic nuk u lejua të futet në Australi për të marrë pjesë në turneun grand slam, Australian Open 2022, pasi autoritetet e këtij vendi thanë se ai nuk i kishte plotësuar kërkesat për Covid-19.
34-vjeçari do të qëndrojë në Park Hotel deri të hënën, kur gjykata e Melbourne do ta marrë vendimin ndaj ankesës së tij kundër dëbimit nga Australia.
Të inatosur dhe tërbuar që bashkatdhetari i tyre nuk po lejohet të marrë pjesë në grand slamin e parë të vitit, serbët kanë kënduar këngë nacionaliste për Kosovën duke e mbështetur atë pranë hotelit ku po mbahet i ngujuar.
“Nga do që të shkoj përsëri kthehem tek ti, askush nuk mund të ma rrëmbejë Kosovën nga shpirti im”, është refreni i këngës së folkut serb “Vidovdan” nga i njëjti album i këngëtares Gordana Lazarević, i publikuar në vitin 1989.
Kjo këngë e Lazarevic u frymëzuar nga Beteja e Kosovës më 1389, për të cilën serbët pretendojnë se ishte betejë e tyre kundër pushtuesit të atëhershëm Osman. Australian Open 2022 do të nisë më 17 shkurt dhe Djokovic nuk do të mundë ta mbrojë titullin e fituar vitin e kaluar, i cili ishte i nënti rekord për të, pasi pritet të dëbohet të hënën.
Djokovic po shpresonte se në këtë turne do ta thyente rekordin për më së shumti tituj grand slam në histori, pasi ai ka 20, aq sa Roger Federer dhe Rafael Nadal.
The Serbian Australians at Park Hotel are now lighting candles and singing. It’s their Christmas Eve.
“This is for the refugees” they said. pic.twitter.com/ZK8opNRakh— Cait Kelly (@cait__kelly) January 6, 2022
(BalkanWeb)
Burimi informacionit @BalkanWeb: Lexo me shume ne : www.botasot.al
