Norvegjia ka shtyrë edhe me tre javë, përdorimin e vaksinës AstraZeneca në popullatë.
Lajmin e ka bërë të ditur Instituti Norvegjez i Shëndetit Publik. Sipas mediave të huaja, autoritetet më 11 mars pezulluan përdorimin e vaksinës pasi një numër i vogël njerëzish, pas bërjes së saj, iu shkaktua mpiksje të gjakut.
“Ne kemi vendosur ta vazhdojmë pauzën dhe të marrim një vendim të ri, deri më 15 prill”, u shpreh shefja e Institutit të Shëndetit Publik në Norvegji, Camilla Stoltenberg.
Norvegjia është një prej vendeve evropiane që pezulloi përdorimin e vaksinës për shkak të shqetësimeve të sigurisë, megjithëse shumica e vendeve e kanë rifilluar përdorimin me nxitjen e Agjencisë Evropiane të Barnave.
Vendi nordik ka regjistruar 90 mijë raste të COVID-19 dhe 656 të vdekur, që prej fillimit të pandemisë.
Burimi informacionit @BalkanWeb: Lexo me shume ne : www.botasot.al
