“Bashkëpunim me SPAK e BKH në goditjen e veprimtarive të paligjshme”- Bledi Çuçi takim online me drejtoreshën e Europol: Ja çfarë diskutuam






Ministri i Brendshëm Bledi Çuçi ka zhvilluar një takim online me drejtoreshën ekzekutive të Europol Catherine De Bolle. 

cuci 1

Çuçi bën me dije se një çështje me rëndësi gjatë diskutimeve ishte shtrirja e bashkëpunimit në shkëmbimin e informacionit edhe me institucionet e reja të drejtësisë si SPAK DHE BKH.

Sipas ministrit të Brendshëm rritja e sasisë dhe e cilësisë së informacionit të shkëmbyer do ndihmojë në parandalimin dhe goditjen e veprimtarive të paligjshme.

cuci 2

Njoftimi i Bledi Çuçit

Sot pata kënaqësinë të zhvilloja një takim me drejtoreshën ekzekutive të Europol, znj. Catherine De Bolle. Diskutuam mbi stadin e bashkëpunimit të deritanishëm, ku Shqipëria është një aktor i përfshirë në formë të drejtpërdrejtë në operacionet e përbashkëta kundër trafiqeve dhe veprimtarive të tjera kriminale. Çështje tjetër me rëndësi gjatë diskutimit që pata me të, ishte edhe shtrirja e bashkëpunimit në shkëmbimin e informacionit edhe me institucionet e reja të drejtësisë të ngritura në vendin tonë siç është Struktura e Posaçme Kundër Korrupsionit dhe Krimit të Organizuar dhe Byroja Kombëtare e Hetimit. Rritja e sasisë dhe e cilësisë së informacionit të shkëmbyer, si dhe ky dimension i ri bashkëpunimi që duam të krijojmë me SPAK e BKH, do të ndihmojë në parandalimin dhe goditjen e veprimtarive të paligjshme. Shqipëria ka një rol aktiv në EUROPOL dhe vijon të jetë shtet drejtues në operacione veprimi, por kemi natyrisht ambicien të marrim një rol të shtuar në skuadra të përbashkëta hetimore dhe operacione njësoj si të ishim shtet anëtar i Bashkimit Europian.

© Panorama.al





Te lidhura

Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *