Bashkëshorti i ministres plagosi ish-vartësin e saj, Sula: Ibrahimaj duhet të shkarkohej që atëherë, kryeministri le ta bëjë tani

bashkeshorti i ministres plagosi ish vartesin e saj sula ibrahimaj duhet te shkarkohej qe atehere kryeministri le ta beje tani
bashkeshorti i ministres plagosi ish vartesin e saj sula ibrahimaj duhet te shkarkohej qe atehere kryeministri le ta beje tani

Deputeti demokrat Dashnor Sula, përmes një postimi në rrjetet sociale ka reaguar në lidhje me ngjarjen e publikuar sot ku protagonist ishte bashkëshorti i ministres Delina Ibrahimaj, i cili kishte plagosur me thikë një ish-vartës të kësaj të fundit nëntorin e kaluar.

Sula u shpreh se ministrja duhej shkarkuar që atëherë, ndërsa u shpreh kritik se përse Policia e Shtetit e mbajti ngjarjen të fshehtë.

Reagimi i plotë:

Kryeministri i Spanjës tronditi opinionin publik këto ditë kur pezulloi punën dhe tha se po mendonte të jepte dorëheqjen për shkak se bashkëshortja e tij po hetohej për korrupsion. Pra po hetohej për korrupsion, nuk ishte dënuar çka do të thotë se gjatë hetimit mund të dalë edhe e pafajshme.
Kryeministri ynë, që kërkon të marrë në çdo kohë vëmendjen e mediave, i doli në mbrojtje dhe shprehu bindjen se gjithçka do të jetë në favorin e homologut spanjoll.
Pa u tharë boja e lajmit të kryeministrit tonë, sot mediat publikuan një ngjarje të nëntorit të kaluar ku burri i ministres Delina Ibrahimaj ka plagosur në mes të ditës, në mes të Tiranës, një ish-vartës të bashkëshortes së tij.
Po sot, do dalë kryeministri ynë dhe të mbështesë publikisht vartësen e tij, me bindjen se thika që burri i saj nguli në trupin e Drejtorit të Trajtimit të Kredive, ishte lodër dhe jo e vërtetë?
Më e pakta, ministrja duhej shkarkuar që atëherë. Ndërkohë vetë ministrja do duhet që të kishte marrë shembull nga ish kolegu saj Rr.Rr i cili la mandatin pasi familjarët iu përfshinë në një akt dhune në një lokal.
Po Policia e Shtetit e cila bën njoftim publik edhe për gjënë më të thjeshtë, pse e ka mbajtur të fshehtë?!
Kryeministri nuk e shkarkoi ministren atëherë, le ta bëj tani. Ndërkohë edhe vetë ministrja mund të jap dorëheqjen.
Më pas të gjejë kohën dhe të merret me Melonin, Rai-n, kryeministrin spanjoll apo edhe me zgjedhjet në Amerikë po të dojë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts