BE miraton planin e rimëkëmbjes

19:54 01/06/2021

750 mld Euro fondi për investimet në infrastrukturë dhe projekte mjedisore

Këshilli europian ka njoftuar se vendet e BE –së do të  fillojnë planin e rimëkëmbjes të koronavirusit pasi të gjitha vendet anëtare e miratuan atë .

” Bashkimi Evropian është tani në gjendje të marrë fondet e nevojshme për rimëkëmbjen sociale dhe ekonomike europiane”, tha Antonio Costa, kryeministri i Portugalisë  i cili aktualisht kryeson këshillin.

Plani i rikuperimit historik i BE-së  prej 750 miliardë Euro u hartua në Korrik të vitit të kaluar.

Planit i duhej drita jeshile nga vendet anëtare përpara se Komisioni të merrte hua në emër të bllokut.

Spanja dhe Italia, dy nga vendet më të goditura nga koronavirusi , do të jenë përfituesit kryesorë të fondit, pasi secila pritet të marrë gati 70 miliardë Euro.

Paratë do të shkojnë për punë të mëdha në infrastrukturë dhe projekte mjedisore. Sipas BE-së kjo do të jetë paketa më e madhe stimuluese e financuar ndonjëherë e cila do të ndihmojë në rindërtimin e një Europe pas Covid-19.

Klan News

Të ngjashme Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *