08:51 10/04/2022
Bashkimi Europian ka rihapur ambasadën në kryeqytetin ukrainas, Kiev, pasi lëvizi përkohësisht në Poloni si pasojë e pushtimit të Rusisë.
Shefi i politikës së jashtme, Josep Borrell, e njoftoi planin gjatë një vizite në Ukrainë të premten.
Pasi foli me kryeministrin ukrainas, Denys Shmyhal, Borrell tha se kishin rënë dakord që të përshpejtonin përgatitjet për Këshillin e Asociimit BE-Ukrainë që të zhvillohet në të ardhmen e afërt.
Kreu i delegacionit të BE-së në Ukrainë postoi një foto të flamurit të unionit në Kiev duke sinjalizuar rikthimin e misionit diplomatik.
Italia po ashtu pritet që të rihapë ambasadën në Kiev pas Pashkëve./tvklan.al
First things first. pic.twitter.com/DwVtX8FE06
— Matti Maasikas (@MattiMaasikas) April 9, 2022
