Biden: 20 milionë vaksina për vendet e tjera deri në fund të qershorit: Në betejën kundër pandemisë COVID-19 SHBA, do jetë arsenali i vaksinave

Presidenti amerikan Joe Biden njoftoi të hënën se do të dërgojë të paktën 20 milionë doza vaksinash COVID-19 në vendet e tjera deri në fund të qershorit. Kjo shënon herën e parë që Shtetet e Bashkuara japin për vende të tjera vaksina të autorizuara dhe të destinuara për përdorim brenda vendit.

Zoti Biden njoftoi se do të dërgojë doza të vaksinave Pfizer/BioNTech, Moderna dhe Johnson & Johnson, përveç 60 milionë dozave të vaksinës AstraZeneca që kishte planifikuar tashmë t’u jepte vendeve të tjera.

Ndryshe nga të tjerat, AstraZeneca nuk është ende e autorizuar për përdorim në Shtetet e Bashkuara.
“Ashtu si në Luftën e Dytë Botërore Amerika ishte arsenali i demokracisë, në betejën kundër pandemisë COVID-19 vendi ynë do të jetë arsenali i vaksinave,” tha Presidenti Biden.

Ai vuri në dukje se asnjë vend tjetër nuk do të dërgojë më shumë vaksina jashtë se sa Shtetet e Bashkuara.

Shtetet e Bashkuara kanë administruar më shumë se 272 milion doza vaksinash COVID-19 dhe kanë shpërndarë më shumë se 340 milion, sipas të dhënave federale të publikuara të hënën në mëngjes.

Gati 60% e të rriturve në SHBA kanë marrë të paktën një dozë vaksine, gjë e që e bën atë të jetë shumë më përpara vendeve si Brazili dhe India, të cilat kanë nevojë të dëshpëruar për më shumë doza dhe po luftojnë për të kontrolluar shpërthimet e COVID-19.

Presidenti Biden ka qenë nën presion global për të ndarë vaksinat amerikane me vendet e tjera, por këmbëngulte se së pari duhet ta vinte pandeminë nën kontroll brenda Shteteve të Bashkuara.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *