Biden nuk tërhiqet: Askush nuk është më i kualifikuar për të fituar zgjedhjet

biden nuk terhiqet askush nuk eshte me i kualifikuar per te fituar zgjedhjet
biden nuk terhiqet askush nuk eshte me i kualifikuar per te fituar zgjedhjet

“Askush nuk është më i kualifikuar se unë” për të qenë president ose për të fituar këto zgjedhje, tha Joe Biden gjatë një interviste për ABC News.

Performanca zhgënjyese e 81-vjeçarit Biden në debatin me rivalin e tij republikan 78-vjeçar më 27 qershor ka bërë që disa demokratë të ngrenë çështjen e tërheqjes së kandidaturës së tij. Tashmë katër kongresmenë demokratë i kanë kërkuar Joe Biden që të largohet nga gara për Shtëpinë e Bardhë. Presidenti Biden pranoi për të disatën herë se paraqitja e tij në telekonferencën e mëparshme me Donald Trump nuk i përmbushi pritjet, por theksoi se ishte një incident i izoluar për shkak të të ftohtit që po e shqetësonte.

Xhorxh Stefanopulos, gazetari me origjinë greke ngriti edhe çështjen e testit kognitiv që Donald Trump e ka kërkuar vazhdimisht, duke e pyetur presidentin Biden nëse do të ishte gati t’i nënshtrohej një vlerësimi të tillë. Presidenti amerikan u përgjigj se ushtrimi i detyrave të tij është i barabartë me një test kognitiv të cilit ai i nënshtrohet çdo ditë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts