Bllokohet përkohësisht ligji për abortin në Teksas: Grave u është ndaluar paligjshëm që të kontrollojnë jetët e tyre

Një gjyqtar amerikan ka bllokuar përkohësisht ligjin e ri kontrovers në Teksas, që ua ndalon abortin grave. Gjyqtari, Robert Pitman ka kërkuar nga administrata e presidentit amerikan, Joe Biden për ta penguar zbatimin e ligjit, derisa është duke u sfiduar ligjshmëria e tij.

Ligji është miratuar nga politikanët republikanë në Teksas. Shtëpia e Bardhë e ka konsideruar këtë vendim si të rëndësishëm për kthim të të drejtave kushtetuese të grave.

Gjyqtari Pitman, nga Austin, e ka shkruar një dokument prej 113 faqeve, duke thënë se nga momenti kur ka hyrë ligji në fuqi, më 1 shtator, “grave u është ndaluar paligjshëm që të kontrollojnë jetët e tyre, sipas asaj që është e paraparë me kushtetutë”.

Një numër i klinikave në Teksas, kanë thënë se janë duke bërë plane për të rikthyer abortet “sa më shpejt që është e mundur”. Grupet kundër abortit, në anën tjetër, kanë akuzuar gjyqtarët për “ushqim të industrisë së abortit”.

Presidenti amerikan, Joe Biden, e ka përshkruar ligjin si “sulm të pashembullt” ndaj të drejtave të grave, mirëpo guvernatori i Teksasit, Greg Abbott e ka mbrojtur atë duke thënë se “liria më e madhe është vetë jeta”.

Administrata e Bidenit ka nisur veprime ligjore kundër këtij vendimi pasi Gjykata Supreme – me shumicë konservatore – nuk ia ka ndaluar Teksasit zbatimin e ligjit.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *