Borrell – Baerbock me një zë për Ballkanin Perëndimor në BE

14:10 10/12/2021

Shefja e re e diplomacisë gjermane, Annalena Baerbock dhe përfaqësuesi i BE-së për punët e jashtme, Josep Borrell konfirmuan angazhimin e tyre që të përshpejtojnë rrugën e shteteve të Ballkanit Perëndimor drejt familjes evropiane.

Në vend të kohës së planifikuar, takimi i zonjës Baerbock me kryediplomatin e BE-së zgjati dy orë. Ai ishte shumë i lumtur që ministrja e re e Jashtme gjermane vizitoi Brukselin në ditën e saj të parë të punës.

“Kjo vizitë ka një rëndësi të madhe simbolike për BE-në”.

Borrelli pranoi se Baerbock kishte një “agjendë absolutisht pozitive” dhe e falënderoi atë për qëllimet e përbashkëta.

“Ne ndajmë prioritetin e forcimit të sovranitetit të BE,” tha ai. “Ne duam ta bëjmë BE-në një lojtar të besueshëm global”. Jam evropiane e vërtetë me gjithë zemër,” e siguroi Annalena Baerbock mikpritësin e saj, duke folur me një anglishte të rrjedhshme.

Sipas saj, qeveria e re federale beson se politika e jashtme e BE-së duhet të jetë unike. Josep Borrell dhe Annalena Baerbock do të takohen sërish këtë fundjavë në takimin e G7 në Birmingham, dhe të hënën në takimin e rregullt të ministrave të jashtëm të BE-së. Ndërkaq pjesë e agjendës së shefes së re të diplomacisë gjermane ishte edhe takimi me kreun e NATO-s Jens Stolenberg. Ndër kontributet gjermane për aleancën Stoltenber përmendi edhe mbështetjen për misionin paqeruajtës në Kosovë. Ai garantoi Gjermaninë se çdo agresion i ardhshëm rus kundër Ukrainës do të përballet me një përgjigje të fortë dhe do të ketë pasoja të rënda politike dhe ekonomike për Rusinë.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *