Brazil, gazetari shkon në vendin e një aksidenti automobilistik dhe teksa bën lidhje live në Facebook zbulon se viktima është djali i tij

Një gazetar, Carlos Alberto Baldassari, shkoi në vendin e një aksidenti ku u përfshinë një makine dhe një kamioni, për të dokumentuar ngjarjen dhe teksa po raportonte detajet drejtpërdrejt në Facebook, kuptoi se viktima e aksidentit ishte djali i tij, 32-vjeçari Tiago Cequeto Baldassari. Ngjarja ndodhi në autostradën Antônio Machado Sant’Anna në Brazil.

Siç raportojnë mediat lokale, kur ka marrë vesh se djali i tij kishte vdekur në aksident, gazetari ka ndaluar menjëherë transmetimin e drejtpërdrejtë në Facebook. Pavarësisht gjithçkaje, ai donte të përfundonte punën e tij dhe më pas, filloi një lidhje të re live, në të cilin shpjegoi atë që sapo kishte zbuluar.

“Kjo është jeta e një gazetari. Shumë njerëz ndoshta nuk do ta kuptojnë momentin që po jetoj. Njeriu që humbi jetën në aksident është djali im, Tiago – tha Baldassari me zërin e thyer nga dhimbja. ‘Sot në mëngjes erdha për të raportuar këto lajme dhe kur erdha…e kuptova qe ishte djali im. Fatkeqësisht jetojmë në një botë të mbushur me lajme, ka raste kur shkojmë për të mbuluar ngjarjet dhe zbulojmë qe familja jone, njerëzit tanë të dashur janë të përfshirë.. Sot ishte djali im. Unë sot humba Thiagon, Zoti e pranoftë në krahët e tij, ishte djalë i mirë, me zemër të mirë”, shtoi ai.

Tiago ka lënë pas gruan shtatzënë dhe një vajzë 8-vjeçare.

(Tgcom24/BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.