Briken Çalja 1 kg larg medaljes, Rama uron arritjen e peshëngritësit shqiptar: Meriton një bravo të madhe








brikencalja

Kryeministri Edi Rama ka reaguar për arritjen e peshëngritësit shqiptar, Briken Çalja në lojërat olimpike në Tokio.

Përmes një postimi në rrjete sociale, Rama shkruan se pavarësisht se Çalja nuk arriti të merrte një medalje olimpike, ai meriton një bravo të madhe.

“Edhe pse pa medalje për vetëm 1kg diferencë, Brikeni meriton një bravo të madhe për renditjen në vendin e katërt në Lojrat Olimpike të Tokios” – shkruan Rama.

Më herët për sportistin shqiptar ka reaguar dhe Presidenti Ilir Meta i cili thotë se përfaqësimi i Çaljas ishte një arritje dinjitoze për Shqipërinë.

Peshëngritësi shqiptar u rendit në vendin e katërt në kategorinë e 73 kg në peshëngritje. Me 341 kg në dygarësh, Çalja nuk arriti të sigurojë një medalje olimpike me një diferencë vetëm prej 1 kg.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *