Britani e Madhe, vdes në moshën 70-vjeçare ish-ministri i financave Alistair Darling

Britani e Madhe, vdes në moshën 70-vjeçare ish-ministri i financave Alistair Darling
britani e madhe vdes ne moshen 70 vjecare ish ministri i financave alistair darling

Alistair Darling, ish-kancelari i Thesarit i Britanisë gjatë krizës financiare të vitit 2008, ka vdekur në moshën 70-vjeçare pasi luftoi me kancerin, njoftoi sot familja e tij.

Ish-ministri, i cili ishte një anëtar i vjetër i qeverisë laburiste, vdiq pas një “qëndrimi të shkurtër” në një spital të Edinburgut, sipas një deklarate të lëshuar në emër të familjes së tij.

Alistair Darling ishte ministër i financave në qeverinë laburiste të Gordon Brown midis 2007 dhe 2010, gjatë krizës financiare dhe recesionit pasues.

Udhëheqësi i laburistëve Keir Starmer bëri sot homazhe për një njeri “ekspertiza dhe integriteti i të cilit ndihmuan në qeverisjen e vendit në mes të trazirave të krizës financiare globale”.

Alistair Darling u zgjodh deputet në vitin 1987 dhe karriera e tij mori hov kur laburistët erdhën në pushtet në 1997. Ai ishte gjithashtu një nga drejtuesit e fushatës Jo në referendumin e 2014-ës për pavarësinë e Skocisë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts