Britania projektligj për refugjatët nga Ruanda

23:00 23/06/2022

Gjykata e Lartë e Mbretërisë së Bashkuar është arbitri përfundimtar që do të vendosë për azilkërkuesit që hyjnë në vend

Qeveria e Mbretërisë së Bashkuar zbuloi planin e saj për një projektligj të ri si zgjidhje për dërgimin e refugjatëve në Ruanda.

Sipas qeverisë së Mbretërisë së Bashkuar, projektligji, nëse miratohet, do të lejojë që Mbretëria e Bashkuar të mos respektojë vendimet e Gjykatës Euopiane të të Drejtave të Njeriut dhe të vazhdojë të shtyjë përpara planin e saj për dërgimin e refugjatëve në Ruandë.

Sekretari i Shtetit për Drejtësinë e Mbretërisë së Bashkuar Dominic Raab deklaroi se propozimi, i cili i është dorëzuar parlamentit, e bëri të qartë se Gjykata e Lartë e Mbretërisë së Bashkuar është arbitri përfundimtar i çështjeve të lidhura me të drejtat e njeriut në vend dhe vendimet e Gjykatës Evropiane të të Drejtave të Njeriut nuk janë ligjërisht të detyrueshme për Britaninë e Madhe.

Edhe pse Britania e Madhe është tërhequr nga Bashkimi Europian ajo ende mbetet në kuadër të Konventës Europiane për të Drejtat e Njeriut. Dominic Raab ka deklaruar se Mbretëria e Bashkuar nuk ka ende plane për të dalë nga konventa, megjithëse disa anëtarë të Partisë Konservatore në vend kanë propozuar që vendi të tërhiqet plotësisht.

Në Prill, Mbretëria e Bashkuar dhe Ruanda arritën një marrëveshje për të dërguar azilkërkuesit që nuk ishin të autorizuar të hynin në Britani, ndërsa më 14 Qershor, do të bëhej edhe fluturimi i parë për të dërguar refugjatët e planifikuar por një vendim i Gjykatës Europiane anuloi avionin me azilkërkues të deportoheshin drejt Ruandës. Mes tyre ndodhej edhe një shqiptar 26-vjeçar i cili deklaroi se ishte viktimë e trafikimit.

Shumica e refugjatëve që shkojnë në Britaninë e Madhe janë nga vendet e Lindjes së Mesme dhe Afrikës së Veriut që janë në luftë dhe janë zhytur thellë në varfëri. Ndërkohë që këto vende perëndimore janë larguar nga përgjegjësitë e tyre, duke fajësuar njëri-tjetrin për çështjen e refugjatëve dhe duke u përpjekur të dërgojnë azilkërkues në vende të tjera.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.