Britney Spears fiton lirinë, babai i këngëtares heq dorë nga kujdestaria pas 13 vitesh betejë ligjore

Pas 13 vitesh babai i Britney Spears ka rënë dakord të japë dorëheqjen si kujdestare e këngëtares.

Jamie mori nën kontroll jetën e Britney-t pas shqetësimeve për shëndetin e saj mendor në vitin 2008, duke kërkuar titullin “kujdestar ligjor” mbi pasurinë dhe aspekte të tjera të jetës së këngëtares.

0403 Britney Spears And Dad Instagram 1

Prej vitesh, Britney kërkonte nga i ati që të hiqte dorë nga ky titull, ku ai mund të vendoste gjithçka për pasurinë 60 milionë dollarë të 39- vjeçares, grumbulluar ndër vite falë koncerteve dhe albumeve të saj.

Avokati i yllit pop tha se ishte një fitore e madhe për Britney Spears dhe një hap tjetër drejt drejtësisë. Sidoqoftë, avokati i Jamie Spears këmbënguli se nuk kishte asnjë bazë aktuale që ai të tërhiqej dhe nuk dha një afat kohor kur do të hiqte dorë nga roli i tij.

Britney Spears

Historia mes të atitit dhe të bijës dhe beteja e gjatë ligjore u rikthyen në vëmendje pas publikimit këtë vit të dokumentarit “Framing Britney Spears”, që përqëndrohej në konfliktin mbi kujdestarinë e këngëtares.

Britney Spears nuk ka performuar në skenë që prej vitit 2018 dhe për këtë, këngëtarja fajëson të atin, që nuk e lejonte të këndonte përsëri, sikurse mbante nën kontroll edhe jetën personale të 39- vjeçares, ku mes disa rregullave, i ndalonte asaj edhe të bënte fëmijë të tjerë.

Pas vendimit të gjykatës, kujdestar ligjor i aktiviteteve të Britney Spears është përcaktuar menaxheri i saj Jodi Montgomery.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *