Bruksel, Borrell: Ukraina ka mbështetjen e palëkundur të BE-së

Shefi i politikës së jashtme të Bashkimit Europian, Josep Borrell ka siguruar qeverinë ukrainase për mbështetjen e palëkundur të BE-së në konfliktin me rebelët prorusë në lindje të vendit.

“Bisedë me ministrin e Jashtëm të Ukrainës, Dmytro Kuleba. Ndjekim me shqetësim të madh aktivitetin ushtarak rus përreth Ukrainës”, shkroi Borrell në Twitter pas një telefonate me Kuleban.

“Mbështetje e palëkundur e BE për sovranitetin dhe integritetin territorial të saj”, pohoi Borrell.

Ai tha se çështja do të diskutohet më tej në takimin e ardhshëm të ministrave të Jashtëm të BE.

Në fundjavë, Ukraina dhe separatistët prorusë në rajonin e Donetsk akuzuan njëri-tjetrin për sulme.

Gjermania dhe Franca, të cilat po ndihmojnë për të gjetur një zgjidhje për konfliktin në Ukrainë përmes të ashtuquajturit Formati i Normandisë, shprehën shqetësim në lidhje me “numrin në rritje të shkeljeve të armëpushimit”.

“Ne po monitorojmë nga afër situatën dhe në veçanti lëvizjet e trupave ruse dhe u bëjmë thirrje të gjitha palëve të tregojnë përmbajtje”, thanë ata në një deklaratë.

Sipas vlerësimeve të OKB, më shumë se 13 000 njerëz janë vrarë në këtë konflikt.//ATSH

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *