Caktohet data, ja kur do të mbahet Forumi Ekonomik Botëror i Davosit

Takimet vjetore të Forumit Ekonomik Botëror, të caktuara fillimisht në muajin janar, do të zhvillohen në Davos, Zvicër nga 22 deri më 26 maj. “Pas të gjitha takimeve virtuale në dy vjetët e fundit, liderë nga politika, biznesi dhe shoqëria civile, do të takohen më në fund personalisht”, ka thënë themeluesi dhe drejtori ekzekutiv i këtij Forumi, Klaus Schwab, përmes një deklarate.

Edicioni këtij viti pritet të shënojë herën e parë që liderët botërorë do të takohen personalisht, prej shpërthimit të pandemisë. Vitin e kaluar konferenca është anuluar për shkak të pandemisë dhe data tradicionale në fillim të këtij viti është anuluar po ashtu, për shkak të përhapjes së variantit Omicron të koronavirusit.

Sipas organizatorëve, disa prej temave që do të diskutohen në Davos janë ato për rimëkëmbje të ekonomisë globale pas pandemisë, luftimi i ndryshimeve klimatike dhe ndërtimi i një të ardhmeje më të mirë në punë. Megjithatë edhe datat e muajit maj nuk janë të konfirmuara 100 për qind.

Takimet në Davos janë mbajtur për dekada, me disa përjashtime. Përgjatë konferencës, udhëheqësit e shteteve dhe organizatat ndërkombëtare shkëmbejnë pikëpamje për çështje të aktualitetit.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.