Çekia shënon numrin më të lartë të rasteve të reja me COVID-19 që nga fillimi i pandemisë

Republika e Çekisë raportoi të shtunën (20 nëntor) se gjatë 24 orëve të fundit ka regjistruar 22,936 raste të reja me koronavirus – shifra më e lartë që nga fillimi i pandemisë.

Më herët gjatë javës, ky vend anëtar i Bashkimit Evropian, fuqizoi kufizimet për personat që nuk kanë marrë vaksinën kundër COVID-19 për të parandaluar përhapjen e virusit dhe për të lehtësuar situatën në spitale. Mbi 22.500 raste aktive janë të konfirmuar aktualisht ndërsa në spitale po mjekohen mbi 4.800 persona.

Qeveria çeke ka miratuar masat për të lejuar vetëm ata që janë vaksinuar ose janë shëruar nga COVID-19 në gjashtë muajt e fundit të hyjnë në restorante, të marrin pjesë në ngjarje të caktuara dhe të përdorin disa shërbime të tjera.

Rreth 58 për qind e qytetarëve çekë janë plotësisht të vaksinuar. Gjatë 24 orëve të fundit janë regjistruar edhe 52 viktima ndërsa që nga fillimi i pandemisë, në mars të vitit 2020, ky vend ka shënuar gjithsej 32.005 të vdekur nga pasojat e sëmundjes COVID-19.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.