Çfarë po planifikojnë? SHBA-ja dhe Armenia me stërvitje të përbashkëta ushtarake

cfare po planifikojne shba ja dhe armenia me stervitje te perbashketa ushtarake

Armenia njoftoi se do të jetë nikoqire e stërvitjeve ushtarake me Shtetet e Bashkuara, që janë planifikuar të mbahen javën e ardhshme. Ky zhvillim ka të ngjarë të zemërojë Rusinë.

Ministria e Mbrojtjes së Armenisë tha se stërvitjet “Eagle Partner 2023” do të mbahen nga 11 deri më 20 shtator. Stërvitjet, sipas kësaj ministrie, janë për përgatitjen e forcave armene për të marrë pjesë në misione paqeruajtëse ndërkombëtare. Ende nuk dihet numri i personelit ushtarak të SHBA-së dhe Armenisë që do të përfshihen në stërvitje. Rusia ka një bazë ushtarake në Armeni dhe e sheh veten si fuqinë kryesore në rajonin e Kaukazit Jugor, që deri në vitin 1991 ishte pjesë e Bashkimit Sovjetik.

Moska po ashtu ka forca paqeruajtëse në rajon për të mbikëqyrur marrëveshjen që i dha fund një lufte mes Armenisë dhe Azerbajxhanit më 2020. Kjo ishte lufta e dytë që këto shtete zhvilluan që nga kolapsimi i Bashkimit Sovjetik. Kryeministri armen, Nikol Pashinian, tha në një intervistë të publikuar gjatë fundjavës se Rusia ka dështuar të mbrojë Armeninë, kundër asaj që ai e cilësoi si agresion të vazhdueshëm nga Azerbajxhani. Ai sugjeroi se lufta e Rusisë në Ukrainë nënkupton se Moska nuk është në gjendje të plotësojë të gjitha nevojat e sigurisë së Armenisë.

Zëdhënësi i Kremlinit, Dmitry Peskov, u tha gazetarëve të martën se ai nuk pajtohet me qëndrimin e Pashinianit. “Rusia absolutisht është pjesë integrale e rajonit”, tha ai. “Rusia luaj rol të vazhdueshëm dhe shumë të rëndësishëm në stabilizimin e situatës në këtë rajon dhe do të vazhdojë ta luajë këtë rol”.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts