COVID-19, mbi 2,6 milionë viktima në botë, Brazili rekord humbjesh në 24 orët e fundit

Vdekjet e shkaktuara nga koronavirusi në botë kanë tejkaluar pragun prej 2,6 milionë, sipas të dhënave të Universitetit Johns Hopkins.

Sipas universitetit amerikan, 2 608 231 persona kanë humbur jetën në botë për shkak të COVID-19 që nga fillimi i pandemisë. Numri i përgjithshëm i rasteve të infektimit arriti në 117 424 768.

Ndërkohë, Brazili ka regjistruar 1 972 të vdekur nga COVID-19 dhe 70 764 infeksione të reja në 24 orët e fundit, sipas Këshillit të Sekretarisë së Shëndetit (Conass).

Ky është numri më i lartë i të vdekurve në një ditë që nga fillimi i pandemisë.

Numri i përgjithshëm i viktimave ka arritur në 268 370 dhe numri i rasteve në 11 122 429.

Sipas institutit të Rio de Zhaneiro, mbi 80% e shtretërve të njësive të kujdesit intensiv janë zënë në kryeqytetet e 25 prej 27 shteteve të Brazilit.

Në Japoni gati 400 raste të koronavirusit, ekuivalente me 4,5% të infeksioneve që nga shkurti në vend, i atribuohen varianteve të reja të sëmundjes, që vijnë nga Britania e Madhe, Afrika e Jugut dhe Brazili, sipas një studimi nga Instituti Kombëtar i Sëmundjeve Infektive, duke shpjeguar se, pavarësisht evolucionit të vazhdueshëm të agjentit patogjen, këto mutacione mund të çojnë në rrezikun e infektimeve të reja dhe reduktimin e efikasitetit të vaksinave aktuale.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *