COVID-19, OBT: Pabarazia në vaksina ndikon në rimëkëmbjen ekonomike

Organizata Botërore e Tregtisë paralajmëroi sot për rreziqet që pabarazia e vaksinave paraqet për rimëkëmbjen e tregtisë botërore.

“Tregtia globale është rimëkëmbur më shpejt nga sa pritej që nga gjysma e dytë e 2020, pasi ra ndjeshëm gjatë valës së parë të pandemisë”, tha Drejtoresha e Përgjithshme e OBT-së, Ngozi Okonjo-Iweala, në prezantimin e saj të raportit gjashtëmujor për tregtinë botërore të vendeve anëtare.

Sipas parashikimit më të fundit të organizatës, vëllimi i tregtisë së mallrave pritet të rritet 8 për qind në 2021 dhe 4 për qind në 2022.

Vëllimet e tregtisë së mallrave tejkaluan nivelin e tyre të para pandemisë në fillim të këtij viti.

Kjo pamje optimiste maskon pabarazitë e forta.

“Ashtu si në rastin e ekonomisë në përgjithësi, performanca tregtare ndryshon shumë nga rajoni në rajon dhe qasja e pabarabartë në vaksinat antiCOVID-19 është një nga arsyet kryesore për këto pabarazi”, vuri në dukje Okonjo-Iweala.

Sipas saj, qasja në vaksina po zgjeron pabarazitë në rimëkëmbjen ekonomike.

Për këtë arsye, OBT e ka bërë përparësi luftën kundër pandemisë, duke u përpjekur të lehtësojë mjetet për të rritur prodhimin e vaksinave.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *