COVID-19, Spanja optimiste për turizmin, pavarësisht rritjes së infeksioneve

Pavarësisht nga një rritje e shpejtë në normat e infeksionit Covid-19, Spanja pret që numrat e turistëve të arrijnë një shifër relativisht të kënaqshme, deri në 40 milionë këtë vit, deklaroi ministri spanjoll i Turizmit Reyes Maroto.

“Nuk ka asnjë arsye për të dhënë alarmin”, theksoi Maroto në një intervistë në radion ”Cope”.

Pas një rekordi me 83,7 milionë turistë në 2019, numri i pushuesve në Spanjë ra në 19 milionë vitin e kaluar mes pandemisë së koronavirusit dhe kufizimeve në udhëtimet ndërkombëtare.

Maroto theksoi se ”pandemia nuk ka mbaruar dhe është e rëndësishme të jesh i kujdesshëm”.

Ai e mirëpriti vendimin e Britanisë së Madhe për të mos karantinuar njerëzit pas kthimit nga pushimet pas 19 korrikut.

Vendi përbën shumicën e vizitorëve në Spanjë.

Ndërkohë, Gjermania e ka klasifikuar Spanjën si një zonë rreziku, duke vendosur disa masa karantine pas kthimit.

Kohët e fundit, Spanja regjistroi 19 945 infeksione të reja për 100 000 banorë gjatë një periudhe shtatë ditore, një nga nivelet më të këqija në Evropë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *