Danimarka i dërgon Ukrainës municione me vlerë 250 milionë krona daneze (36 milionë dollarë), tha Ministri i Jashtëm danez Lars Lokke Rasmussen.
Ministri vuri në dukje se Kopenhaga po dërgon 2000 predha artilerie me kërkesë të autoriteteve ukrainase.
“Situata është e tillë që ne të gjithë shohim se ka filluar një kundërofensivë. Ajo tashmë është duke u zhvilluar. Ukraina arriti të përmbajë Forcat e Armatosura Ruse dhe tani është koha për të kthyer favoret. Për këtë, trupat ukrainase duhet të pajisen me municion. ”, ka saktësuar ministri.
Nga ana tjetër, ministri në detyrë i mbrojtjes i Danimarkës Troels Lund Poulsen theksoi se ndihma do të zgjidhte mungesën akute të municioneve.
Danimarka i siguron Ukrainës pajisje dhe armë ushtarake, duke përfshirë tanke Leopard 2. Vendi nordik tashmë ka filluar të trajnojë pilotët ukrainas në avionë luftarakë F-16.
Danimarka së fundi nisi një program social fondi investimi prej 130 milionë dollarësh për Ukrainën.
Burimi informacionit @BalkanWeb: Lexo me shume ne : bota sot www.botasot.al
