Dasma kthehet në tragjedi/ Përfshihet nga flakët salla, vdesin mbi 100 persona, 150 të plagosur

dasma kthehet ne tragjedi perfshihet nga flaket salla vdesin mbi 100 persona 150 te plagosur

Në Irak të paktën 100 njerëz vdiqën dhe 150 të tjerë u plagosën pas një zjarri që përfshiu sallën ku po mbahej një dasmë. Ngjarja ndodhi në një sallë komunale në Hamdaniyah, një qytet në provincën veriore të Nineveh. Numri dramatik i viktimave është ende i përkohshëm, pasi ka ende persona të zhdukur. Po ashtu raportohet se mes viktimave janë dhe çifti që kurorëzone dashurinë e tyre, por që fatkeqësisht humbën jetën.

Lajmi u konfirmua nga Ahmed Dubardanit, nënkryetar i drejtorisë së shëndetësisë në Nineveh. Duke folur me gazetarët më herët në një konferencë për shtyp, ai shtoi se të paktën pesëdhjetë njerëz ishin në gjendje kritike, ndërsa gjysma tjetër e të shpëtuarve kishte pësuar djegie.

“Shumica e të plagosurve ishin djegur plotësisht. Dhe disa të tjerëve u dogjën 50 deri në 60 për qind të trupave.”, tha ai. Ai shtoi se shumica e të lënduarve ishin të rinj.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts