Deklarata e Berishës për rikthimin e tij, Gazment Bardhi: S’ka në Shqipëri një njeri më të interesuar se Lulzim Basha për të qenë kryeministër. Asnjë firmë delegati s’është dorëzuar në Protokollin e PD








Sekretari i Përgjithshëm i Partisë Demokratike Gazment Bardhi ka dalë sot në një konferencë për mediat për të sqaruar depozitimin e firmave të delegatëve që kërkojnë thirrjen e Kuvendit Kombëtar të PD në 11 dhjetor.

Por Bardhi tha se deri në këto momente nuk ka asnjë firmë të depozituar sipas rregullave dhe statutit, në protokollin e PD.

“Jo vetëm që nuk janë depozituar 1/4 e firmave, por në momentin që flasim s’ka asnjë firmë të depozituar. Unë e di ku qëndron problemi i mos depozitimit zyrtar në protokollin e PD. Se ka në keqkuptm nuk vijnë firmat në zyrën e sekretarit të përgjithshëm, vijnë në protokoll. Nëse këto firma do ekzistonin do ishin depozituar dje”.

Bardhi komentoi edhe deklaratën e Sali Berishës që tha të mërkurën se ai do sjellë PD në pushtet dhe se do të rikthehet si kryeministër i vendit. Ndërsa akuzat ndaj lidershipit të PD për ‘peng të Ramës’, Bardhi tha se nëse kanë fakte konkrete, të shkojnë në gjyq.

“Ne që jemi në betejë të përditshme me Edi Ramën jemi peng të tij? Po a ka njeri në Shqipëri më të interesuar se Lulzim Basha për të qenë kryeministër dhe për të mundur Edi Ramën? Nuk besoj se ka. Kështu që këto historitë me pengje dhe pengmarrje do duhet ti bëjnë me seriozitet se po i flasin demokratëve në një moment të vështirë për ta”, tha Bardhi.

Deklarata e Gazment Bardhit

Ne nuk jemi një organizatë që veprojmë në ilegalitet, s’kemi halle apo probleme sa i përket zbatimit të ligjit e në funksionim e brendshëm kemi përgjegjësinë në raport me demokratët për të zbatuar rregullat e brendshme të PD.

Dua të konfirmoj për cdo demorat se në PD s’ka ardhur deri më tani që flasim asnjë kërkesë e qoftë dhe një anëtari të Kuvendit kombëtar për mbledhjen e Kuvendit.

Ajo që shqiptarët, mbështetësit e PD kanë parë gjatë dy muajve ka qenë një bllof i madh një kakofoni shifrash, një tallje me sakrificën e mundin e demokratëve për halle dhe probleme personale se nuk u arrit që pas dy muajsh kontakti me demokratët të siguroheshin 1/4 e firmavë të anëtarëve të partisë që të mundësonin nisjen e procedurës për thirrjen e Kuvendit.

Berisha ka një cështje të tij në mometin kur skadoi afati jo nuk depozitohen firmat por bëhet tallje e u thuhet se firmat i kemi madje kemi shumicën por nuk i tregojmë do i mbyllim në kasafortë.

Nëse i kanë firmat ripërsëris ti depozitojnë në protokollin e PD. Cdo institucion i partisë ka përgjegjësinë për të respektuar vullbetin e deokratëve për të ndjekur cdo procedurë që lidhet me thirrjen e rgqaneve të partisë.

Madje na u tha sot se firmat do vetëverifikohen. Me kë tallen këta? Me kë tallen apo do verifikojnë firmat e njëri-tjetrit? Kjo parti do duhet të respektohet si institucion aq më tepër kur bëhet fjalë për ish drejtues të lartë të kësaj partie. Por bllofin me demokratët këta të fundit nuk ia kanë borxh askujt.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *