“Demokracia jonë është në rrezik”/ Mbështetën vaksinimin e detyruar, deputetët në Francë marrin kërcënime me vdekje: Eja dhe të pres kokën!

Disa deputetë të parlamentit francez kanë raportuar se kanë marrë kërcënime me vdekje teksa në vend debatohet ndalimi i të pavaksinuarve nga jeta publike e vendit. Në nje email, të firmosur nga zëdhënësi i “Horizons”, partia e re e krijuar nga Edouard Philippe, kërcënohet me prerje koke për “bashkëpunimin” dhe “diktaturën”: “Unë mendoj përgjithmonë vetëm për një gjë: eja dhe të pres kokën”

Qeveria kërkon të kalojë ligjin që i kërkon njerëzve të tregojnë dokumentin e vaksinimit për të hyrë në transport dhe ambjente publike, por masa ka zemëruar kundërshtarët e vaksinave.

Prej muajsh Franca u kërkon njerëzve të tregojnë ose provën e vaksinimit ose testin negativ Covid për të hyrë në ambjentet publike. Por qeveria ka vendosur papritur të heqë opsionin e testimit për sëmundjen, sipas saj prej shtimit të rasteve me variante të koronavirusit.

Qeveria franceze thotë se 91% përqind e popullatës në vend janë të vaksinuar.

France

Dje deputetja Agnès Firmin Le Bodo, e partisë së qendrës së djathtë ‘Agir’ publikoi një email që kishte marrë me grafika kërcënimesh me jetë, për mbështetjen e saj ndaj programit të vaksinimit.

“Demokracia jonë është në rrezik,” shkruante Firmin Le Bodo, e cila është gjithashtu farmaciste dhe ka vaksinuar njerëz kundër Covid.

Email

Javën e kaluar ministri i brendshëm Gérald Darmanin tha se policia do të forconte mbrojtjen për zyrtarët e zgjedhur para votës për pasaportën e vaksinimit. Barbara Bessot Ballot e koalicionit në pushtet ‘En Marche!’ tha se deputetët kishin marrë kërcënime me vdekje për arsye të “sulmit të tyre ndaj demokracisë”.

Gjatë pandemisë shumë kritikë kanë akuzuar qeverinë e presidentit francez Emmanuel Macron për shkelje të lirive të njeriut me rregullat e ashpra të pandemisë. Protesta të shumta janë zhvilluar  në vend kundër kufizimeve dhe vaksinimit të detyruar.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.