Demostrata masive kundër vaksinimit, kryeministri i Caraibeve qëllohet në kokë nga protestuesit

Kryeministri i Caraibeve është shtruar në spital pasi u plagos në protestat kundër vaksinimit.

Ralph Gonsalves po kalonte nëpër një turmë jashtë parlamentit kur thuhet se u godit në kokë nga një gur.

Pamjet tregojnë se kryeministri po gjakoset ndërsa u largua me shpejtësi nga vendi i ngjarjes.

Ministri i financave tha se ai ishte transferuar në Barbados për një skanim MRI sipas këshillës së stafit mjekësor, raporton agjencia e lajmeve Reuters.

Protestuesit ishin mbledhur për të demonstruar kundër planeve për të kërkuar që shumica e punonjësve shëndetësorë të vijës së parë të vaksinohen kundër Covid-19.

Sipas njoftimeve, në protestë u hodhën gurë dhe shishe uji.

Zyra e tij i tha Reuters se 74-vjeçari u godit nga një “predhë”. Mediat lokale sugjerojnë se ishte një gur.

Vendi ka regjistruar 2,298 raste të koronavirusit dhe 12 vdekje që nga fillimi i pandemisë, sipas shifrave të Universitetit Johns Hopkins. Pothuajse 9% e popullsisë është vaksinuar plotësisht, thotë universiteti.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *