Dënimi për “kasapin” Maldiç, reagon Blinken: Shpresojmë të sjellë një farë paqeje për të afërmit e viktimave. SHBA do të vijojë të flasë për drejtësi!

Sekretari Amerikan i Shtetit, Anthony Blinken, ka përshëndetur vendimin e Gjykatës Ndërkombëtare të Hagës, për lënien në fuqi të dënimit me burgim të përjetshëm të ish-komandantit të ushtrisë serbe në Bosnje-Hercegovinë, Ratko Maldiç.

Nëpërmjet një postimi në “Twitter”, Blinken shkruan se dënimi i ish-komandantit Maldiç, sjell një farë paqeje për viktimat dhe të dashurit e tyre.

Ai shtoi më tej se SHBA do të vazhdojë të flasë për drejtësi dhe përgjegjësi.

“Dënimi i ish komandantit të ushtrisë serbe boshnjake, Ratko Mlladiç, për gjenocid, krime lufte dhe krime kundër njerëzimit, sjell një farë mase paqeje për viktimat dhe të dashurit e tyre. SHBA do të vazhdojë të flasë për drejtësi dhe përgjegjësi”, shkruan Blinken.

  • foto galeri

Kujtojmë se Ratko Maldiç akuzohet për gjenocid, vrasje e krime lufte në Srebrenicë gjatë luftës së Bosnjes në 1995 si dhe për rrethimin e Sarajevës ku u vranë 10 mijë qytetarë. Për shumë vite ai u arratis në Beograd derisa në 2011 u arrestua në një fermë në Serbinë veriore dhe iu nënshtrua një procesi gjyqësor që zgjati nga 2012 në 2017.

Në 2016 u dënua dhe shefi i tij, Radovan Karaxhiç që po vuan gjithashtu dënimin me burgim të përjetshëm.

Lufta e Bosnjes la mbi 100 mijë të vdekur e miliona të zhvendosur teksa Mladiç tashmë dënohet me burgim të përjetshëm si një nga fajtorët kryesorë të vrasjeve të burrave, grave e fëmijëve në 1995.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *