Dëshmon në gjykatë i riu që goditi Macron

FILE PHOTO: French President Emmanuel Macron gets slapped by a member of the public during a visit in Tain-L’Hermitage, France, in this still image taken from video on June 8, 2021. BFMTV/ReutersTV via REUTERS

18:30 10/06/2021

28-vjeçari: Presidenti është përgjegjës për shkatërrimin e Francës

Shuplaka e këtij të riu ndaj Presidentit francez, Emmanuel Macron, që bëri xhiron e botës, vuri menjëherë në lëvizje policinë vendase për të zbuluar më shumë rreth së shkuarës së tij.

28-vjeçari i identifikuar si Damien Tarel, nuk është një emër i njohur për autoritetet franceze.

“Nuk njihet aspak si njeri i dhunshëm, është njeri shumë i qetë. Nëse dikush do më thoshte se Damien do të ishte i aftë të godiste Presidentin, unë do t’i thoja që jo,” tha një i afërm i agresorit për mediat.

Sipas hulumtimeve më të thelluara, i riu del se është një ndjekës i kanaleve të së djathtës ekstreme në Youtube e Facebook, edhe pse të afërmit e tij e konsiderojnë një person “apolitik”. Në kërkimet e bëra nga policia brenda shtëpisë së tij, u gjetën lojëra me luftëra mesjetare dhe arte marciale.

Në daljen e tij në gjykatë, 28-vjeçari akuzoi Presidentin Macron si përgjegjës për shkatërrimin e Francës.

“Mendoj se Macron është mishërim i degradimit të vendit tonë. Nëse do e ftoja në një duel Presidentin, dyshoj se do të pranonte një përballje,” tha i riu.

Më vonë, Presidenti Macron e cilësoi sulmin si një incident të papritur dhe u shpreh se dhuna dhe urrejtja janë kërcënim për demokracinë.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *