Dështojnë përpjekjet e SHBA/ ‘Perëndimi’ nis raund të ri bisedimesh për zgjidhjen e krizës, takim diplomatik me Ukrainën dhe Rusinë në Paris (Data)

Këshilltarët politikë nga Rusia, Ukraina, Franca dhe Gjermania, i ashtuquajturi grupi i Normandisë, do të takohen në Paris më 26 janar për një raund të ri bisedimesh për zgjidhjen e krizës dhe shmangien e konfliktit në Ukrainën lindore.

Pardje, një burim në presidencën ruse i tha agjencisë ruse të lajmeve Sputnik se takimi do të zhvillohej nesër, më 25 janar, duke shtuar se nënkryetari i presidencës ruse, Dmitry Kozak, do të përfaqësojë Rusinë në Paris. Sot, Mikhail Pontoliak, këshilltar i kreut të zyrës së presidentit ukrainas, sqaroi se takimi do të zhvillohet në Francë më 26 janar.

“Po, ashtu është, bisedimet do të zhvillohen më 26 janar në Paris”, tha burimi.

Bisedimet katërpalëshe do të zhvillohen në kuadrin e konfrontimit më të gjerë mes Rusisë dhe Perëndimit, me dhjetëra mijëra trupa ruse të vendosura pranë kufirit me Ukrainën.

Moska mohon planet për të pushtuar Ukrainën dhe thotë se Kievi po përgatitet të sulmojë rebelët e mbështetur nga Moska në provincat e saj lindore të shkëputura. Rusia u ka kërkuar gjithashtu Shteteve të Bashkuara dhe NATO-s që të garantojnë se Ukraina nuk do të lejohet të bashkohet me bllokun ushtarak.

Për këto kërkesa janë zhvilluar bisedime joefektive midis Moskës dhe Uashingtonit.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.