“Dheas të fjalës” në Bibliotekën “Pestalozzi” Zyrih

dheas te fjales ne biblioteken pestalozzi zyrih
dheas te fjales ne biblioteken pestalozzi zyrih

Dhjetëra ndjekës të vëmendshëm të leximit dhe mediave të shqiptare u bënë bashkë në një ndër sallat e bibliotekës “Pestalozzi”, ditën e shtunë më 23.12.2023 në qytetin e Zyrihut. Mikpritësja e jonë është drejtoresha e kësaj biblioteke zonja Suela Jorgaqi e cila ka krijuar tashmë një kalendar paraqitjesh për autorë të ndryshëm dhe për botime të rëndësishme në letrat shqipe dhe në atë ndërkombëtare.

Fondit të këtij institucioni publik në Zyrih i shtohen përditë dhjetëra tituj prej autorësh nga vende të shumta të botës. Paraqitja e librit “Dheas të fjalës” u bë së pari nga mësuesi, Koordinator i “Shkolla Shqipe” në Zvicër, Dr. Vaxhid Sejdiu. Referuesi Sejdiu, përcolli për të pranishmit jo vetëm vlerësime dhe mendime për tekstet e këtij libri, por edhe gjykime rreth qasjeve, refleksioneve dhe analizave kritike krahasimtare kulturore. Në mënyrë të posaçme u vlerësuan aspekte të krijimtarisë së autorit në poezi dhe në veprimtarinë publicistike.

Drejtoresha e bibliotekës “Pestalozzi” zonja Jorgaqi, paraqiti për të pranishmit aspekte të karrierës së gazetarit Aleksandër Çipa të cilat janë të lidhura me njohjen gjithëkombëtare në Shqipëri, Kosovë, Maqedoninë e Veriut, Luginën e Preshevës dhe hapësirën e emigrimit dhe diasporës shqiptare.

Në këtë veprimtari merrnin pjesë edhe përfaqësuesja e Konsullatës së Përgjithshme të RKS në Zyrih, Arijeta Gallapeni si dhe Sekretari i Parë i Ambasadës së Shqipërisë në Bernë, zoti Valon Gashi.

Lexues dhe qytetarë të pranishëm, shumica nga troje të ndryshme të hapësirës shqiptare, i drejtuan pyetje autorit Çipa rreth këtij botimi, çështjeve thelbësore të aktualitetit shoqëror në shoqërinë shqiptare, arsimit dhe mediave shqiptare si dhe për rolin e intelektualëve përballë sfidave ekzistenciale identitare dhe kombëtare.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts