Dhjetëra të arrestuar në protestat në Turqi

14:04 01/05/2022

Dhjetëra protestues u arrestuan nga policia në Stamboll të Turqisë, gjatë protestës kundër rritjes së inflacionit, që u mbajt më 1 maj.

Televizionet lokale në Turqi shfaqën pamje të policëve duke u përleshur me protestuesit në sheshin Taksim dhe duke i prangosur disa prej tyre.

Agjencia e lajmeve Demiroren raportoi se 30 persona po ashtu janë arrestuar në qarkun Beshiktash të Stambollit dhe 22 të tjerë në qarkun Sisli.

Zyra e guvernatorit të Stambollit tha se në total 164 persona janë arrestuar për “protesta të paligjshme”.

Për shkak të luftës së Rusisë në Ukrainë dhe rritjes globale të çmimeve, niveli i inflacionit vjetor në Turqi në prill ishte 68 për qind, raportoi Reuters, nga 61 për qind sa ishte në mars.

Kreu i Konfederatës të Punëtorëve në Turqi, Ergun Atalay, u tha protestuesve në sheshin Taksim, se paga minimale duhet të ndryshojë, në mënyrë që të përkojë edhe me rritjen e çmimeve. /REL

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.