Dhurata perfekte sipas shenjës zodiakale, sugjerime nga astrologia Liza Gjika

dhurata perfekte sipas shenjes zodiakale sugjerime nga astrologia liza gjika
dhurata perfekte sipas shenjes zodiakale sugjerime nga astrologia liza gjika

Të dashuruarit i kushtojnë një vëmendje të veçantë njëri-tjetrit për Shën Valentin. Dhuratat e personalizuara tregojnë përkushtim, ndërsa marrin një vlerë tjetër kur përshtaten me natyrën dhe shenjën zodiakale të partnerit.

Liza Gjika, astrologe, e ftuar në “Vila24”, moderuar nga Brunilda Lahe, ka përcjellë një sërë propozimesh për të njohur edhe “pikat e dobëta” të secilit lidhur me gurët e metalet që i shkojnë çdo shenje, ndërsa kërkon që të shmanget parfumi si dhuratë, sepse simbolizon ndarjen.

Dashi
Astrologia Gjika sugjeron të dhurohet diamant i kuq i cili shërben për t’u dhënë forcë e dinamikë si edhe ari i kuq i përzier me bronx. Këto detaje ndikojnë në qetësimin e tyre dhe i bën më të logjikshëm.

Demi
Guri përkatës është safiri blu dhe metal, ari i verdhë 18- karatësh. Duke i kombinuar, demi merr forcë të jashtëzakonshme dhe besim në vetvete. Demët e marrin këtë ide dhurate si një shenjë se e njihni mirë dhe dëshironi t’i surprizoni.

Binjaket
Nëse doni që binjakët të ndihen mirë për Shën Valentin, duhet t’u dhuroni bizhu me gurë agata smerald, ndërsa si metal, preferojnë arin e bardhë. Ata ndihen të më bindur në vetvete dhe ligjërimi i tyre do jetë më i rrjedhshëm. Binjakët ndihen të vlerësuar me këto zgjedhje.

Gaforrja
Gaforret ndikohen nga Hëna dhe guri që u përket është perla. Metali që shkon më shumë me këtë shenjë është argjendi. Duke i patur të dyja, këta persona prekin lumturinë e tyre.

Luani
Dhurojini një bizhu me gurë rubini një luani e do shihni sa i sigurtë e dinamik do jetë jetë ai. Forca dhe energjia e këtij guri vepron tek luanët. Metali i patjetërsueshëm i tyre është vetëm ai në ngjyrë të verdhë.

Virgjeresha
Guri i safirit blu ose të verdhë prek direkt delikatesën e virgjëreshave për Shën Valentin. Për t’i bërë të ndihen me një besim të fortë tek vetja, sugjerohet metali i verdhë i cili ka edhe veprim teraupetik tek shëndeti i tyre.

Peshorja
Me një shenjë që ruan balancat, siç janë peshoret kërkohet të bëni shumë kujdes në përzgjedhjen e dhuratave. Perfekt do ishte guri i opalit dhe metalet duhen kombinuar. Do shkonte shumë mire ari i bardhë me arin e verdhë, madje këshillohen të jenë të dyja bashkë.

Akrepi
Për të “ulur” tentakulat thumbuese të një akrepi ju bën shumë punë dhurata me gurë onix beril. Do ishte një zgjedhje simpatike një përzierje e arit të kuq me bronx. Akrepët kështu gjejnë maturinë dhe gurët e metalet u veprojnë edhe si terapi.

Shigjetari
Jepini besim e forcë një shigjetari duke u dhuruar për Shën Valentin gurë topaz turkuaz. Të lindurit në këtë shenjë do sëmuren më pak duke i surprizuar me metale të verdha, pasi ndikojnë direkt në shëndetin e tyre.

Bricjapi
Që një bricjap të ngjitet gjithmonë e më lart në karrierë, dhurata ideale do ishte një diamant i zi. Metalet që janë brenda shijeve të tyre janë ari i bardhë e i verdhë.

Ujori
Shën Valentini, një ditë e shënuar si kjo në intimitet e bën edhe më të afërt një partner ujor duke u dhuruar bizhu me gurë granad e metale si ari i bardhë i verdhë. Këta ndikojnë në gjendjen e tyre duke i ndihmuar në ecjen e gjatë e të menduarit thellë që i karakterizon.

Peshqit
Qe të mbani të palëkundur peshqit, dhurojini gurë ametis aquamarine. Këta persona kanë shumë nevojë për siguri e besim. Terapia e shëndetit funksionin perfekt tek peshqit me metale si ari i verdhë apo edhe i bardhë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts