09:10 03/05/2022
◾Kryeministri i Britanisë së Madhe, Boris Johnson, do të flasë ditën e sotme në parlamentin e Ukrainës dhe do të përshkruajë rezistencën e tyre ndaj pushtimit rus si momentin më të mirë të vendit.
◾Ai do të japë po ashtu detaje për një ndihmë shtesë ushtarake prej 300 milionë Paundësh nga Britania e Madhe për Ukrainën, duke përfshirë edhe pajisje luftarake elektronike.
◾OKB-ja dhe Kryqi i Kuq shpresojnë për më shumë evakuime të civilëve nga fabrika e çelikut Azovstal në Mariupol të martën pasi më shumë se 100 njerëz u shpëtuan më parë.
◾Mbrojtësit ukrainas të uzinës thonë se trupat ruse po përdorin aeroplanë, tanke dhe raketa luftarake për të goditur vendin.
◾Presidenti i Ukrainës, Volodymyr Zelensky, ka akuzuar ministrin e Jashtëm rus se “fajëson popullin hebre për krimet naziste”.
◾Zelensky thotë se një djalë 14-vjeçar u vra gjatë sulmit me raketa të së hënës në Odesa nga ushtria ruse.
◾Vendet e BE-së mbeten të ndara se sa shpejt mund të shuajnë varësinë nga furnizimet ruse me energji.
SHBA: Rusia do tentojë të aneksojë rajonet lindore të Ukrainës
Një zyrtar i lartë amerikan ka paralajmëruar se Rusia po përgatitet të mbajë votime për pavarësinë në territorin e pushtuar në Ukrainën lindore.
“Sipas raporteve më të fundit, ne besojmë se Rusia do të përpiqet të aneksojë Republikën Popullore të Donetskut dhe Republikën Popullore të Luhanskut në Rusi,” tha Michael Carpenter, ambasadori i SHBA në Organizatën për Siguri dhe Bashkëpunim në Evropë.
“Raportet thonë se Rusia planifikon të projektojë referendum pas anëtarësimit diku nga mesi i majit.”
“Pseudo referendumet” janë diçka për të cilën Presidenti Zelensky ka paralajmëruar në të kaluarën.
Në fillim të këtij viti, presidenti rus Vladimir Putin njoftoi se po njihte pavarësinë e dy rajoneve separatiste.
REDAKSIA TVKLAN.AL
