“Do të bëjmë më të mirën”/ Kryetarja e Kuvendit mesazh për fillimin e vitit të ri shkollor: Do merrni cilësinë e merituar të dijes, mësuesit në krah të nxënësve dhe prindërve





Kryetarja e Kuvendit, Lindita Nikolla, ka uruar sot fillimin e vitit të ri shkollor. Me anë të një mesazhi, ajo thotë se do të bëjnë më të mirën që në sfidë me vështirësitë e pandemisë nxënësit të marrin cilësinë e merituar të dijes.

nikolla

Po ashtu, Nikolla shprehet besimplotë se mësuesit do të jenë krah nxënësve dhe prindërve me përpjekjen e çdo dite për t’u ngritur mbi vështirësitë e kohës.

“Të dashur nxënëse e nxënës, Të dashur mësuese e mësues, Të dashur prindër.

Me rastin e fillimit të vitit të ri shkollor, ju uroj të gjithë fëmijëve të Shqipërisë një vit të suksesshëm shkollor!

Të gjithë jemi me mendje e zemër tek ju dhe do të bëjmë më të mirën që edhe në sfidë me vështirësitë e pandemisë të merrni cilësinë e merituar të dijes në çdo klasë e shkollë të vendit.

Jam besimplotë që mësuesit do të jenë krah jush dhe prindërve tuaj me përpjekjen e çdo dite për t’u ngritur mbi vështirësitë e kohës.

Beteja për dijen është më e bukura e jetës.

Suksese dhe një vit të mbarë!“, shkruan në mesazhin e saj Kryetarja e Kuvendit, Lindita Nikolla.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *